Біздің еліміздің дамуы оның әрбір тұрғынына байланысты, жас келешегі зор адамдардың қолында Қазақстанның болашағы жатыр. Жылды қорытындылай келе,жыл бойы жүзеге асырған ең маңызды сәттерді әрқайсымыз атап өте аламыз. Бүгін біздің орталықтың жас мамандарын атап өткім келеді, олар травматолог-ортопед мамандығын және оның іс жүзіндегі практикасын оқумен қатар ғылыми қызметпен айналысады. Солардың бірі PhD докторанты Сағынов Бақтияр Нұржанұлы.
Дәрігер-ординатор травматолог-ортопед ғылыми-зерттеу жұмыстарымен айналысады. 2022 жылдың қыркүйегінде Бақтияр Нұржанұлы Sicot Дүниежүзілік ортопедиялық конгресінде Қазақстанның атынан қатысты. Бақтияр Сағыновтың баяндамасының тақырыбы "Тізе буынының гонартрозды емдеуде стромальді-васкулярлы фракцияны қолдану".
*SICOT Дүниежүзілік ортопедиялық конгресі — 110-нан астам елден келген ортопедтердің жыл сайынғы жаһандық жиналысы. Жақсы ұйымдастырылған ғылыми, клиникалық және қоғамдық іс-шаралар алуан түрлілігімен SICOT мүшелері ерекшеленеді және дәрістер, баяндамалар, презентациялар және практикалық семинарлар арқылы бір-бірінен тәжірибе алмасып, үйрену үшін әртүрлі хирургтарды біріктіреді.
- Мен үшін шетелге алғашқы сапар және осындай жаһандық іс-шарада Қазақстанды таныстыру үлкен мәртебе мен тәжірибе", - дейді Бақтияр Нұржанұлы. Ғылымнан басқа, дәрігер күнделікті жұмыстармен де айналысады -дәрігерлердің күнделікті отырыстарына қатысады, науқастарды қарап-тексеру жүргізеді, күрделі операциялар кезінде өзін-өзі жаттықтырады.
Бахтиряр Нұржанұлы, неге дәрігер мамандығын таңдадыңыз?
- Біз хирургия мамандығы бойынша интернатура кезінде мамандық таңдаумен бетпе-бет келеміз. Оқу барысында біз ауруханаларға барып, әртүрлі мамандықтағы дәрігерлер - ЛОР дәрігерлері, офтальмологтар, жалпы хирургтар қалай жұмыс істейтінін көрдік... Бір күні мен осы орталыққа бардым, 2 айлық травматология курсынан өттім, ол мені шұғыл травматологиямен таныстырды. Кейіннен мен өзімді болашақта травматолог-ортопед ретінде жүзеге асырамын деп шештім.
Болашағыңызды қалай көресіз?
- Мен үшін жас маман ретінде болашақ жарқын болып көрінеді, өйткені жұмыс үшін барлық жағдай жасалуда. Біз ғылыммен, жұмыспен айналысамыз, сондықтан болашақта одан да жақсы болады деп ойлаймын. Осы уақыт ішінде мені қолдағаны үшін туыстарыма ризамын. Менің оқуым 13 жылға созылады, бұл менің ғана емес, жақындарымның да шыдамдылығын қажет етеді. Қасым-Жомарт Тоқаевтың айтуынша, терең білімді озық тәжірибемен үйлестіре алатын азаматтар елді алға жетелейді. Президенттің пікірінше, қоғамдағы бірлік пен келісімнің, барлық қазақстандықтардың жасампаз еңбегінің арқасында ел елеулі прогреске қол жеткізді. - Білімді және зияткерлі ұрпақты тәрбиелеу маңызды мемлекеттік міндет болып табылады. Елдің болашағы талантты және патриотты жастардың қолында болуы керек. Солай болатынына сенімдімін.