2024 жылғы 16-17 мамырда Астана қаласында ұйымдастырушылары Қазақстан Республикасы Денсаулық сақтау министрлігі, Академик Н.Ж.Батпенов атындағы Ұлттық ғылыми травматология және ортопедия орталығы, Қазақстандық травматолог-ортопедтер қауымдастығы және Академик Нұрлан Батпенов атындағы Қоғамдық қор болып табылатын, халықаралық қатысумен Қазақстан Республикасы травматолог-ортопедтерінің IV Съезі және Қазақстандық травматолог-ортопедтер қауымдастығының III Съезі өтеді.

Съез жұмысына жақын және алыс шетелдердің 10-нан астам елінен: Беларусь, Германия, Қытай, Польша, Қырғызстан, БАӘ, Ресей, Тәжікстан, Түркия, Өзбекстан, Эстония және т.б. ғалымдар, травматолог-ортопедтер қатысады.

 

Халықаралық қатысумен Қазақстан Республикасы травматолог-ортопедтерінің IV Съезі шеңберінде дәрігерлердің назарына ұсынылады:

- пленарлық отырыстар

- білім беру мастер-кластары, сателлитті симпозиумдер

- постерлік баяндамалар

- "Батпенов оқулары" жас ғалымдар конференциясы

- медициналық мақсаттағы бұйымдар көрмесі (көрме қатысушыларына арналған ақпарат)

 

Халықаралық қатысумен Қазақстан Республикасы травматолог-ортопедтерінің IV Съезінің ғылыми бағдарламасы мынадай бөлімдерді қамтиды:

 

1. Травматология-ортопедиялық көмекті ұйымдастыру

2. Травматология мен ортопедиядағы инновациялық технологиялар

3. Көпжарақат

4. Омыртқа бағанасының зақымдануы мен ауруларын хирургиялық емдеу

5. Балалар травматологиясы мен ортопедиясының өзекті мәселелері

6. Травматология-ортопедиялық науқастарды емдеудегі қателер мен асқынулар

7. Физикалық медицина мен оңалтудың өзекті мәселелері

 

Баяндамаларға ұсынылған мақалалар мен тезистер "Traumatology and Orthopaedics of Kazakhstan" журналының арнайы шығарылымында жарияланады және электрондық жеткізгіштерде ұсынылады. Делегаттардың халықаралық қатысумен Қазақстан Республикасы травматолог-ортопедтерінің IV Съезіне қатысу нәтижелері бойынша тыңдалған дәрістер сағаттарының санын көрсете отырып, атаулы сертификаттар беріледі.

 

Мақалалар мен тезистерді, баяндамаларды қабылдауды 2024 жылғы 15 наурызға дейін "Traumatology and Orthopaedics of Kazakhstan" www.journaltokaz.org журналының сайты арқылы тапсыру қажет.

Назар аударыңыз: мақалалар мен тезистерді, баяндамаларды қабылдау аяқталды.

"Батпенов оқулары" конференциясына қатысуға өтінім ілеспе материалдарымен бірге 2024 жылғы 15 наурыздан кешіктірілмей batpenov_readings@nscto.kz электрондық мекенжайға берілуі тиіс.

Сайтта іс-шараға қатысуға тіркелу  www.rookato.kz

Байланыс тел:

+7 778 109 55 00

E-mail: trauma@nscto.kz