Басшылық
Бекарисов Олжас Сапарғалиұлы
Директор, медицина ғылымдарының кандидаты, іскерлік әкімшілендіру магистрі, "Қазақстан травматолог-ортопедтер қауымдастығы" РҚБ вице-президенті, "Қазақстан нейрохирургтары қауымдастығы" атқарушы комитетінің мүшесі, жоғары санатты травматолог-ортопед дәрігер, нейрохирург дәрігер.
Қазақстан Республикасының 2015 жылғы 23 қарашадағы Еңбек Кодексінің 21-бабы 2-тармағының 2) тармақшасына, "Мемлекеттік мүлік туралы" 2011 жылғы 1 наурыздағы Қазақстан Республикасы Заңының 150-1-бабының 2-тармағына сәйкес БҰЙЫРАМЫН (А. Цой, ҚР Денсаулық сақтау министрі):
Бекарисов Олжас Сапарғалиұлы Қазақстан Республикасы Денсаулық сақтау министрлігінің "Травматология және ортопедия ғылыми-зерттеу институты" шаруашылық жүргізу құқығындағы республикалық мемлекеттік кәсіпорнының директоры болып тағайындалсын.
Қазақстан Республикасы Денсаулық сақтау министрлігінің Персоналды басқару департаменті осы бұйрықтан туындайтын шараларды қабылдасын.
Осы бұйрық қол қойылған күнінен бастап күшіне енеді.
Негіздеме: 2020 жылғы 13 қазандағы кәсіпорынның Байқау кеңесі мүшелері отырысының №5 хаттамасы.
О.С. Бекарисов "Қазақстандық травматолог-ортопедтер қауымдастығының" вице-президенті, Қазақстан нейрохирургтары қауымдастығының атқарушы комитетінің мүшесі болып табылады. РФ, Түркия, Германия, БАӘ жетекші клиникаларында тағылымдамадан өткен. Германия, Ирландия, Испания, ҚХР, РФ, Түркияда өткен конференцияларда баяндама жасады. ҚР 3 инновациялық патентінің, РФ 1 патентінің, 1 Еуразиялық патентінің бірлескен авторы. 129 ғылыми жарияланымы бар, олардың 4 халықаралық беделді деректер базасында индекстелген.
ҚР Денсаулық сақтау министрлігінің құрмет грамоталарымен және ҚР Денсаулық сақтау министрлігінің "Денсаулық сақтау ісінің үздігі" және "ТОҒЗИ еңбек сіңірген қызметкері " төс белгілерімен марапатталған.
Телефоны: +7 (7172) 54-77-17
e-mail: bekarisov_o@niito.kz
Баубеков Мейрам Бейсембайұлы
Директордың клиникалық жұмыс жөніндегі орынбасары, медицина ғылымдарының кандидаты, жоғары санатты дәрігер ангиохирург.
1986 ж. Целиноград мемлекеттік медицина институтын "Емдеу ісі" мамандығы бойынша бітірді. 1986 жылдан бастап ординатор, 1993 жылдан бастап облыстық клиникалық аурухананың, кейіннен Астана қаласының 2-ші қалалық клиникалық ауруханасының қан тамырлары хирургиясы бөлімшесінің меңгерушісі болып жұмыс істеді.
2001 жылдан бастап микрохирургия және қол ұшы жарақаты бөлімшесінің меңгерушісі, Травматология және ортопедия ғылыми-зерттеу институтының аға ғылыми қызметкері.
2019 жылдан бастап ТОҒЗИ директорының клиникалық жұмыс жөніндегі орынбасары лауазымына тағайындалды. 2004 жылы "Аяқтардың диабеттік ангиопатиясын кешенді емдеуде реттеуші нейропептид – даларгин мен реваскуляризациялаушы остеотрепанацияны қолдану" тақырыбында кандидаттық диссертация қорғады.
15 жыл бойы Астана қаласы Денсаулық сақтау басқармасының штаттан тыс бас ангиохирургы болды. ҰҒТОО құрсақ қолқасына реконструктивті операцияларды және критикалық ишемияда, қол-аяқтың зақымдануында дистальды формаларында, диабеттік ангиопатияда емдеу әдістерін, жарақаттар мен қол ұшы аурулары кезінде реконструктивті операцияларды енгізді және игерді.
Қазақстан, РФ, Германия және Израильдің жетекші клиникаларында тағылымдамадан өткен. жақын және алыс шетелдердің халықаралық конференцияларында баяндама жасады. 170-тен астам ғылыми жарияланымның, 2 әдістемелік ұсынымның, 10 өнертабысқа патенттің авторы. "Денсаулық сақтау ісіне қосқан үлесі үшін", "Қазақстан Республикасы денсаулық сақтау ісінің үздігі" төсбелгілерімен, ҚР Денсаулық сақтау Министрлігінің құрмет грамоталарымен марапатталған.
Телефоны: +7 (7172) 54-76-56
e-mail: baubekov_m@niito.kz
Бәтпен Арман Нұрланұлы
Директордың ғылыми жұмыс және стратегия жөніндегі орынбасары, "Медицина" мамандығы бойынша PhD, бизнес әкімшілендіру магистрі, травматолог-ортопед дәрігер.
2007 жылы Астана медицина университетін "Емдеу ісі" мамандығы бойынша бітірген. 2007-2010 жылдары интернатурада, кейін резидентурада "Травматология және ортопедия" мамандығы бойынша ҰҒТОО базасында оқыды. 2012-2015 жылдары - Астана медицина университетінің PhD докторанты. Оқуды аяқтағаннан кейін м.ғ.д., доцент Ш. А. Баймағамбетовтің жетекшілігімен докторлық диссертацияны сәтті қорғады, 2015 ж. – Алматы менеджмент университетін бизнес әкімшілендіру магистрі дәрежесімен аяқтады, 2016 ж. – Қазақ гуманитарлық-заң университетін "Қаржы"мамандығы бойынша бітірді. 2002 ж. еңбек жолын ҰҒТОО травматологиялық пунктінің шұғыл қызметінің санитары болып бастады. 2005-2007 жылдары - травматологиялық пунктінің шұғыл қызметінің мейіргері, 2008-2011 жылдары- ҰҒТОО Артроскопия және спорттық жарақат бөлімшесінің травматолог-ортопед дәрігері. Әр жылдары бизнес-құрылымдарда басшылық қызметтер атқарған.
Германия, АҚШ, Оңтүстік Кореяның жетекші клиникаларында тағылымдамадан өткен. 2 монография, 2 әдістемелік ұсыным, 26 ғылыми жарияланымның авторы, оның 2 халықаралық беделді деректер базасында индекстелген.
Телефон:
Шәріпов Нұрлан Тәтімбетұлы
Директордың қаржы және әкімшілік-шаруашылық қызметі жөніндегі орынбасары.
1997 жылы Щучье политехникалық колледжін "Коммерциялық қызмет инженері" мамандығы бойынша, 2002 жылы С.Сейфулин атындағы Қазақ аграрлық университетін "Экономист – менеджер" мамандығы бойынша, 2015 ж. - Алматы менеджмент университеті ОҒҚ іскерлік әкімшілендіру магистрі дәрежесін берумен бітірген.
2005-2016 жылдары ҚР ДСМ Экономика және қаржы департаменті республикалық бюджеттік бағдарламаларды жоспарлау басқармасының жетекші маманы, бас маманы, бастығы, ҚР ДСМ қаржы департаменті директорының орынбасары қызметтерін атқарған.
2016 жылы "Ұлттық онкология және трансплантология ғылыми орталығы"АҚ қаржы директоры, Басқарма мүшесі лауазымына тағайындалды. 2017-2019 жылдары - "СК-Фармация" ЖШС басқарушы директоры, басқарма мүшесі. 2019 жылдың қаңтар айынан бастап - ҰҒТОО директордың қаржы және әкімшілік-шаруашылық қызметі жөніндегі орынбасары.
Телефоны: +7 (7172) 54-76-25
e-mail: sharipov_n@niito.kz
Оспанов Қуаныш Төлеуұлы
Ғылыми қолданбалы зерттеулер орталығының жетекшісі, медицина ғылымдарының кандидаты, доцент, 2015 ж. әл-Фараби атындағы ғылым мен техника саласындағы мемлекеттік сыйлықтың лауреаты.
1978 жылы Семей мемлекеттік медицина институтының емдеу факультетін бітірді. Семей қаласының 1 Қалалық клиникалық ауруханасында хирург, кейін травматолог-ортопед болып жұмыс істеді.
1982 жылдан Семей медициналық институтының травматология, ортопедия және далалық әскери хирургия кафедрасының ассистенті.
1987 жылдан 1990 жылға дейін Мәскеу қаласының орталық травматология және ортопедия институтында күндізгі мақсатты аспирантурада оқыды, "травматология және ортопедия"мамандығы бойынша кандидаттық диссертация қорғады.
1990 жылдан 1998 жылға дейін Семей медициналық институтының травматология кафедрасының ассистенті, доценті, ортопед, диссертациялық кеңестің ғылыми хатшысы болды.
1998 жылы Ақмола медицина академиясының травматология, ортопедия және ДӘХ қалпына келтіру кафедрасының доценті болып ауыстырылды.
2001 жылғы қыркүйектен бастап Қ.Т. Оспанов қоса атқарушы бойынша директордың ғылыми жұмыс жөніндегі орынбасары болып жұмыс істеді, ал 2002 жылы "ТОҒЗИ" РМҚК тұрақты жұмысқа ауысты.
"Травматология және ортопедия" журналының жауапты хатшысы болып табылады.
Денсаулық сақтау министрлігінің "Қазақстан Республикасы денсаулық сақтау ісінің үздігі" төсбелгісімен, "Қазақстан Конституциясына 10 жыл" мерекелік медалімен, "Қазақстан Республикасының ғылымын дамытуға сіңірген еңбегі үшін" төсбелгісімен марапатталған, 2012 жылы мемлекеттік және қоғамдық қызметтегі еңбегі, еліміздің әлеуметтік-экономикалық және мәдени дамуына қосқан елеулі үлесі үшін Қазақстан Республикасы Тұңғыш Президентінің Құрмет грамотасымен марапатталған.
2014 жылы "ТОҒЗИ еңбек сіңірген қызметкері" төсбелгісімен, "Қазақстан Республикасының Конституциясына 20 жыл" мерейтойлық медалімен, "Денсаулық сақтау ісіне қосқан үлесі үшін" төсбелгісімен марапатталған.
ҚР Тұңғыш Президенті Н.Назарбаевтың 2015 жылғы 3 желтоқсандағы Жарлығымен әл-Фараби атындағы ғылым мен техника саласындағы мемлекеттік сыйлық "Ұршық буыны хирургиясында эндопротездеуді қолдана отырып инновациялық технологияларды әзірлеу және енгізу" тақырыбындағы жұмысы үшін берілді.
Ресей, Германия, Бельгияның ірі ғылыми орталықтарында тағылымдамадан өткен. 200 ғылыми жарияланымның, оның ішінде 2 монографияның, 1 каталогтың, оқу құралының, әдістемелік ұсынымдардың, 21 өнертабыстың, алдын ала патенттер мен инновациялық патенттердің авторы.
Телефоны: +7 (7172) 54-76-27
e-mail: ospanov_k@niito.kz
Искаков Ержан Сағиұлы
Стратегиялық және өңірлік даму, мониторинг және талдау орталығының басшысы, медицина ғылымдарының кандидаты.
Семей мемлекеттік медицина институтын "дәрігер – емдеуші" мамандығы бойынша, Қазақ мемлекеттік заң университетінің Мемлекеттік қызмет институтын "мемлекеттік басқару саласындағы заңгер-маман" мамандығы бойынша бітірген.
Кандидаттық диссертациясының тақырыбы: "Мемлекеттік қызметшілердің денсаулығын жақсартудың медициналық-ұйымдастырушылық технологиялары", Ғылыми дәреже берілген жылы: 2008 ж. ІІМ, ТЖМ, Президент Іс Басқармасының Медициналық орталығы, ҚР Премьер-Министрі Кеңсесі жүйесінде әртүрлі басшылық лауазымдарда жұмыс істеді, ҚР Денсаулық сақтау және әлеуметтік даму министрінің кеңесшісі болды.
Е. Искаковтың басшылығымен 2009-2015 жылдары "Саламатты Қазақстан" мемлекеттік бағдарламасын іске асыру шеңберінде республика жолдарында төтенше жағдайлар, оның ішінде ЖКО кезінде шұғыл медициналық көмек көрсетуге арналған 40 трассалық медициналық-құтқару пункттері (ТМҚП) құрылды.
30 ғылыми жарияланымның, оның ішінде 8 әдістемелік ұсынымның авторы.
"Қазақстан Республикасының денсаулық сақтау ісінің үздігі" төсбелгісімен, "Төтенше жағдайлар жүйесін дамытуға қосқан үлесі үшін" (2010 ж.) төсбелгісімен, "Қазақстан Республикасының тәуелсіздігіне 20 жыл" (2011 ж.) медалімен, "Астана қаласында ЕҚЫҰ-ның VII саммитін дайындау мен өткізуге белсенді қатысқаны үшін" Қазақстан Республикасының Тұңғыш Президенті Н.Назарбаевтың Алғыс хатымен марапатталған. 2011ж.), "Алтын дәрігер" төсбелгісімен (2013ж.) марапатталды.
Телефоны: +7 (7172) 54-77-24
e-mail: iskakov_e@niito.kz
Абдрахманова Әлия Серікқызы
Ғылыми хатшы, медицина ғылымдарының кандидаты, "Астана медицина университеті" КЕАҚ дерматовенерология кафедрасының доценті, жоғары біліктілік санатты дәрігер.
2002 жылы "Емдеу ісі" мамандығы бойынша Ақмола мемлекеттік медицина академиясын аяқтады, 2017-2019 жылдары Қазақстан Республикасы Денсаулық сақтау министрлігінің "Травматология және ортопедия ғылыми-зерттеу институты" РМК Ғылыми-техникалық бағдарламаларын әзірлеуге және іске асыруға тікелей қатысады.
50-ден астам ғылыми жарияланымның авторы. Ғылыми жұмыстардың материалдары Қазақстан Республикасында, жақын және алыс шетелдерде (Ресей, Өзбекстан, Австрия) өткізілетін халықаралық конгрестерде, ғылыми-практикалық конференцияларда баяндалды. Ресей, Австрия, АҚШ-та оқыған.
Телефоны: +7 (7172) 54-75-32
Мермұқанова Ақлима Иманбайқызы
Жалпы клиникалық медицина бөлімінің меңгерушісі, жоғары біліктілік санатты терапевт дәрігер, ұйымдастырушы дәрігер, Ұлттық медициналық дәрігерлер қауымдастығының құрметті мүшесі.
1982 жылы Целиноград мемлекеттік медицина институтын "Емдеу ісі" мамандығы бойынша бітірді. Әр жылдары учаскелік терапевт, аудандық аурухананың ординатор дәрігері, бөлім меңгерушісі, СӨС басшысы, артрология бөлімшесінің ординатор дәрігері, ҰҒТОО жалпы клиникалық бөлімшесінің терапевті болып жұмыс істеді.
2004 жылдан бастап медицина бөлімінің меңгерушісі болып тағайындалды. Медициналық бөлім пациенттерге мамандандырылған және жоғары технологиялық медициналық көмек көрсету кезінде, тар мамандықтағы дәрігерлердің медициналық қызмет көрсетуінде клиникалық бөлімшелерге емдік және консультациялық-диагностикалық көмек көрсетуді ұйымдастыруды үйлестіруді жүзеге асырады.
Ревматология, кардиология, денсаулық сақтау менеджменті мәселелері, денсаулық сақтауды басқарудың қазіргі заманғы проблемалары бойынша мамандандырудан өтті. Астана қаласы Денсаулық сақтау басқармасының, Астана қаласы Алматы ауданы әкімінің, ҚР Денсаулық сақтау министрлігінің алғыс хаттары, грамоталары бар. "Қазақстан Республикасы денсаулық сақтау ісінің үздігі", "Денсаулық сақтау ісіне қосқан үлесі үшін" төсбелгілерімен, "ТОҒЗИ еңбек сіңірген қызметкері"медалімен марапатталған.
Телефоны: +7 (7172) 54-77-11
e-mail: mermukanova_a @niito.kz
