Бүгін Қазақстанға травматология саласындағы әлемдегі жетекші мамандардың бірі, Қытайдың травматолог-ортопедтер қауымдастығының президенті, профессор Инцзе Чжан келді. Оның сапары еліміздің медициналық қоғамдастығында маңызды оқиға болды – 28-29 тамызда өтетін ҚР травматолог-ортопедтерінің IV Съезіне және ҚР травматолог-ортопедтер қауымдастығының III Съезіне қатысу.
Бүгін профессор Чжан мен оның делегациясы академик Н.Ж. Батпенов атындағы Ұлттық ғылыми травматология және ортопедия орталығына келіп, орталық ұжымымен кездесу өткізді. Сапар аясында профессорға озық зертханалар мен операциялық бөлмелерге экскурсия жүргізілді, онда ол ҰҒТОО-да қолданылатын бірегей емдеу және оңалту әдістерімен таныса алды.
Ертең профессор Инцзе Чжан халықаралық тәжірибе мен білім алмасудың жарқын үлгісі болатын көрме операциясын жасайды. Оның қатысуы қазақстандық травматология мен ортопедия дамуының жоғары деңгейін көрсетеді, сондай-ақ халықаралық ынтымақтастық үшін жаңа перспективалар ашады.
Профессор Чжан Қазақстандық әріптестерінің кәсібилігін атап өтіп, тәжірибе алмасу және ғылыми байланыстарды нығайту үшін ҰҒТОО мамандарын Қытайға келуге шақырды. Бұл сапар Қазақстанның әлемдік медициналық қоғамдастыққа интеграциялануының маңыздылығын көрсетеді және Қазақстандық дәрігерлер ұмтылатын жоғары стандарттардың танылғанын куәландырады.
